ઈ-વાચકમાં “રીક્ષા અને રીક્ષાવાળાઓ”

ટાઈટલ થોડું બઘવાઇ જવાય એવું છે નહિ? વાંધો નહિ… થોડીક લીંકોમાં બધું સ્પષ્ટ થઇ જશે…

ઓરકુટની એક કોમ્યુનીટી ગુજરાતી=મેગેઝિન, છાપા અને કોલમ છેલ્લા ૩ વર્ષથી ઈ-મેગેઝીન પ્રસિદ્ધ કરે છે… તો આ વખતના મેગેઝીનમાં મેં “રીક્ષા અને રીક્ષાવાળાઓ” નામનો લેખ લખીને મોકલાવ્યો હતો… જે તમે નીચેની લીંકો દ્વારા વાંચી શકશો.

મેકિંગ ઓફ ધ મેગેઝીન : http://rajniagravat.wordpress.com/2011/06/08/e_vachak-2011/
ઈ-મેગેઝીન ઓનલાઈન વાંચવાની લીંક –> https://docs.google.com/viewer?a=v&pid=explorer&chrome=true&srcid=0ByoruaF8i9lHYTRlMjgzNzQtODFjMS00MjQ4LTk4OTAtY2M3M2RiMDEzM2Zh&hl=en_US&authkey=CIPRhe8C&pli=1
ઈ-મેગેઝીન download કરવાની લીંક –> http://www.4shared.com/document/DxttwuM8/E_mag_3.html

Advertisements

કવિતાનું ગઝલાંતર અને રેડિયો મિર્ચી પર કવિતા

આમ ભલે મારું નામ સાક્ષર હોય પણ કવિતાના છંદની બાબતમાં હું નિરક્ષર છું. એ બાબતમાં સાક્ષર એવા શ્રી પંચમ શુક્લએ મારી એક કવિતા “ખારું કશું ન હોય“નું છંદોબદ્ધ ગઝલાંતર નીચે પ્રમાણે કર્યું છે:

ખારું કશું ન હોય તો ખાઈ બતાવ તું,
ખારું જ બધું હોય તો બીજું બનાવ તું.

અજવાળું ઓરડે નથી, શું બિલ ન’તુ ભર્યું?
કેન્ડલની લાઈટમાં જમીશું, અહીં જ આવ તું!

છો પહેરવાને ના કશું, ઓઢ્યુંય કંઈ ન હો,
માર્કેટ તિબેટી ઐં-જ-છે,  પૈસા મોકલાવ તું.

ઠોલાએ ઉભો રાખ્યો ત્યારે ટેક્સ્ટ એ મળ્યો,
“ઠોલો ઊભો છે ચોકડીએ સ્લો ચલાવ તું”

– પંચમ શુક્લ

તા.ક. – થોડા દિવસ પહેલા ફરી એક વખત રેડિયો મિર્ચી પર બીજી એક કવિતા “જાડી કન્યાની ડોલી ઉંચકતા” આવી હતી…જે તમે નીચેના પ્લેયરમાં સાંભળી શકો છો. (રેકોર્ડીંગ માટે રક્ષિતભાઈ પંડિતનો આભાર)

કવિતામાં ઘુસણખોરી – રેડિયો પર

(Thanks Tushar Acharya for the audio clip)

(કવિતાની લીંક)

તા.ક. – જે દિવસે આ કવિતા પોસ્ટ કરી એ દિવસે ‘હિન્દી દિવસ’ હતો, અને એ વાત કવિતા પોસ્ટ કરી એના પછી મને ખબર પડી હતી.

છાપરે નહિ તો કંઈ નહિ, હું છાપે ચડ્યો ;)

ઉત્તરાયણ છે, પણ છાપરે ચડવા મળ્યું નહિ, એટલે હું છાપે ચડ્યો…ના ના એવું કોઈ ખોટું કામ નથી કર્યું… આ તો થયું એવું કે જય વસાવડાએ એમના આ બુધવારના ઉત્તરાયણના લેખમાં મારી એક કવિતા છાપી એટલે એમના પ્રતાપે હું છાપે ચડી ગયો…

લેખની લીંક :

કવિતાની લીંક:
History:
આ છાપવા પાછળની Historyમાં એવું છે કે: હું જય વસાવડાનો ફેન હોવાને કારણે મેં એમની ઓરકુટ કોમ્યુનીટી જોઈન કરી હતી, અને ગયા વર્ષે ઉત્તરાયણ સમયે એક ઉત્તરાયણને લગતા ફોરમમાં મારી આ કવિતા પોસ્ટ કરી હતી. જય વસાવડા પોતે પણ કોમ્યુનીટીના મેમ્બર હોવાથી એમણે પણ કવિતા જોઈ હશે અને ગમી હશે, તો આ વર્ષમાં આપડો નંબર લગાડી દીધો. 🙂 હું વધારે ખુશ એટલે થયો કે એ જ લેખમાં બીજી બધી કવિતાઓ રમેશ પારેખ, ભગવતીકુમાર શર્મા, અવિનાશ વ્યાસ અને ડો. જગદીપ નાણાવટીની છે.
તા.ક.
ગઈ ઉત્તરાયણ પર બીજી પણ એક કવિતા લખી હતી: