4- રાહ જુએ(#100ગઝલપ્રોજેક્ટ)

વરસ શું એ આખી સદી રાહ જુએ.
તમારી જો કોઈ કદી રાહ જુએ.*

હવે માણસોના તો દુર્લભ છે દર્શન!
દેવો દેવીઓ ની છબી રાહ જુએ.

મળે બસ તણખલું જો લખવા છે કાફી,
હૃદય આગની ક્યાં સુધી રાહ જુએ. **

ગઝલ છેવટે તો છપાઈ કબર પર,
મળે દાદ ક્યારે કવિ રાહ જુએ.

સાક્ષર

*ગાઢ પ્રેમમાં ઇંતેજારની પરાકાષ્ટા માટે અથવા જે લોકો હંમેશા મોડા આવતા હોય ( “બસ રસ્તામાં જ છું”) એના માટે શેર
** કવિ ગૌરાંગ ઠાકરનો એક શેર છે:
“આગ હૈયા માં લાગી હો તો લખ
ફક્ત લખવા ની આગ રહેવા દે.”
આ એનો પ્રત્યુત્તર શેર છે. 🙂

તા.ક. – રાહ જુએ, જોવે કે જુવે?