નવા વર્ષના સંકલ્પો: એક મહિના પછી

દર વર્ષે વરસની(આ બંને જોડણી ચાલે?) શરૂઆતમાં લોકો નવા નવા સંકલ્પો કરે છે. આરંભમાં શુરા હોય છે અને પછી થોડા સમય પછી એમનો ઉત્સાહ ઓગળી જાય છે. એક સર્વે અનુસાર મોટાભાગના લોકોનો સંકલ્પ “વજન ઘટાડવા” નો હોય છે. મારો પણ એ જ છે, પણ બધા કરતા હું અલગ એ રીતે છું કે હું વર્ષના અંત સુધી સંકલ્પને નિયમિત રીતે વળગી રહીશ.

આ વખતેમેં એક પ્રયોગ કરવાનું વિચાર્યું. એ પ્રયોગ અનુસાર હું જીમમાં જતો, થોડા અવલોકનો કરતો અને પછી ઘરે આવીને નોંધ કરતો. આખા જાન્યુઆરી મહિનાનો અહેવાલ નીચે મુજબ છે:

01 જાન્યુઆરી:
આજે અવલોકનો ચાલુ કર્યા છે, નવું વર્ષ નવા ઉમંગો અને અરમાનો લઇ ને આવ્યું છે. આજે જીમમાં પણ ઘણા લોકો ઉત્સાહથી આવ્યા હતા. ટ્રેડમિલતો બધા full હતા એટલે આજે Elliptical પર દોડી લીધું. આજે આવેલા લોકોની સંખ્યા: ૧૩

૦૨ જાન્યુઆરી:
ગઈકાલનો ઉત્સાહ જોઈને આજે વહેલો પહોંચી ગયો અને ટ્રેડમિલ મળ્યું. લોકોએ ઉત્સાહ જાળવી રાખ્યો છે અને આજે તો લોકોની સંખ્યામાં વધારો હતો. આજે આવેલા લોકોની સંખ્યા: ૧૬
.
.
.
૦૭ જાન્યુઆરી:
આખું અઠવાડિયું નિયમિત રીતે જવાયું. હવે તો સ્ટેમિના પણ વધી ગઈ હોય એવું લાગે છે અને જ્યારે જીમમાંથી નીકળું ત્યારે ઘણું fresh લાગે છે. મેં જે વિચાર્યું હતું એ હવે થોડું સાચું પડવા લાગ્યું છે, આજે એક અઠવાડિયા પછી લોકોની સંખ્યા લગભગ અડધી થઇ ગઈ છે. આજે આવેલા લોકોની સંખ્યા: ૭

૦૮ જાન્યુઆરી:
આજે થોડી વિકનેસ લાગતી હતી કદાચ વાતાવરણમાં ઠંડી વધી છે એના લીધે હોઈ શકે. છતાં મેં વિચાર્યું કે “હિંમતે મર્દા તો મદદે ખુદા” પણ મને લાગે છે કે મારી પત્નીને આ કહેવત એટલી નથી ગમતી એટલે એણે કીધું, “છાનોમાનો આરામ કર, સારું થાય પછી જજે”

૧૨ જાન્યુઆરી:
થોડી રીકવરી આવી નથી ને બંદા પાછા રેગ્યુલર. નાનકડા બ્રેક પછી જતો હતો એટલે આજે મેં થોડો ઉત્સાહને સંભાળી રાખ્યો,અને પંદર મિનીટ જ દોડીને આવતો રહ્યો. આજે આવેલા લોકોની સંખ્યા: ૫

૨૦ જાન્યુઆરી:
કૈંક નું કૈંક કામ આવી જતું હતું, એટલે ખાલી ગયું અઠવાડિયું જીમમાં ના જવાયું. એમાં પણ ગઈ કાલે જવાની બહુ ઈચ્છા હતી પણ આ આપડા ક્રિકેટરોએ ધબડકો વાળ્યો, આઠ નંબરની ટીમ ન્યુઝીલેન્ડ આપને ૧ નંબરની ટીમ ને આવી રીતે હરાવી જાય, ના ચાલે યાર. આખો મૂડ બગાડી નાખ્યો યાર જવા દો ને. એટલેજ પછી ના ગયો. આજે આવેલા લોકોની સંખ્યા: ૬

૩૦ જાન્યુઆરી:
આજે ગાંધી નિર્વાણ દિનને ધ્યાનમાં રાખીને ટ્રેડ મિલ પર ખાલી ચાલવાનું રાખ્યું. સાંભળ્યું છે બાપુ ખુબ ચાલતા અને એ પણ સાંભળ્યું છે (અને ફોટાઓમાં જોયું પણ છે) કે બાપુ બહુ પાતળા હતા. છેલ્લા કેટલાક દિવસોથી જીમમાં અવાયું નથી પણ સંકલ્પ હજુ એટલો જ અકબંધ અને દ્રઢ છે. આજે આવેલા લોકોની સંખ્યા: ૫

૩૧ જાન્યુઆરી:
એક મહિનો થઇ ગયો છે અને મારો પ્રયોગ પણ પૂરો થઇ ગયો છે. આજે થોડા પગ દુખતા હતા એટલે જીમ પર ખાલી આંટો મારી આવ્યો, જોઈ આવ્યો કે કેટલા લોકો આવ્યા છે. ભલે કસરત ન કરી કે દોડ્યો નહિ પણ મારી નિયમિતતા તો ના તૂટી.🙂 આજે આવેલા લોકોની સંખ્યા: ૩ (મારા સિવાય બીજા ૨)

સારાંશ:
મેં શું શું નથી જોયું આખા મહિનામાં! આટલી ચડ-ઉતર છતાં પણ મને સંતોષ એ વાતનો છે કે હું રેગ્યુલર રહી શક્યો. આમ ને આમ જ જો હું નિયમિત રહી શક્યો તો આવતા વર્ષે કાર્તિકભાઈની જેમ મેરેથોન દોડીશ. લોકોની સંખ્યાનો આંકડો ૧૩થી ચાલુ થઇ ૩ પર આવી ગયો છે.  ખરા છે લોકો!!!!

(આ પોસ્ટનાં મોટાભાગના પાત્રો અને ઘટનાઓ કાલ્પનિક છે🙂 )

તા.ક. –

હેપ્પી બર્થ ડે પપ્પા.

મારા નવા વર્ષના સંકલ્પો:
– આ વર્ષમાં ઓછામાં ઓછા ૨૪ પુસ્તકો વાંચવા
– આ વર્ષમાં ઓછામાં ઓછી ૨૪ બ્લોગ પોસ્ટ લખવી.
– અઠવાડિયે ઓછામાં ઓછા ૨ દિવસ, ઓછામાં ઓછી ૨૦ મિનીટ માટે સંગીત શીખવું/પ્રેક્ટીસ કરવી. (ગિટાર, તબલા કંઈપણ)

13 thoughts on “નવા વર્ષના સંકલ્પો: એક મહિના પછી

  1. ગુજરાતી બ્લોગવર્લ્ડ’નું પણ જીમ જેવું જ થઇ ગયું છે . . . દિવસે દિવસે બ્લોગર્સ અને પોસ્ટ્સ ઘટતા જાય છે ! હવે તમારી દરેક પોસ્ટ પર નજર રાખવામાં આવશે અને 24 કરતા ઓછી બ્લોગ થતા પેનલ્ટી ઠપકારાશે😉

    & Happy Birthday to Superhero Uncle🙂

    1. હા એવું પેનલ્ટીવાળું રાખો… કોઈકે સાચું જ કહ્યું છે કે પેનલ્ટીના ભૂત પેનલ્ટીથી જ માને છે…

  2. 2 dyas practice! Lmao gulluck with that :p . I’ve said that about dance practice. Not even for a year. Only for 1.5 months during our school’s Christmas break. It ended up happening once. The best way to be regular I find is to enroll yourself in a class or such. Even if nothing else, fellow classmates will keep you motivated to go.

    1. Yes, I know it’s difficult. Enrolling in class is a good idea; I did that last summer, it worked out very good, but after that I am not regular anymore.😦 Let’s see how do I do this year; I’ll have “નવા વર્ષના સંકલ્પો: એક વર્ષ પછી” post at the end of year, just to see how I did🙂

      1. I know hey! Part of it is also because doing it alone it’s really easy to start getting bored and lose motivation and such methinks. I decided to do Yoga everyday for a year last year. It lasted for a month.

  3. સંકલ્પો કરો છો એ જ ઘણું છે … હું પણ સંકલ્પ લઉં છું કે પાંચેક વર્ષમાં એકાદ “સંકલ્પ” લઈશ😉🙂 અને બ્લોગ્પોસ્ટ માં નિયમિત થાજો જ … શુભેચ્છાઓ

  4. ઘણા સમયે નિયમિત આવી તમારી પોસ્ટ વાંચી. આનંદ થયો😉 નિયમિત લખતા રહેજો.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s