ઓળખાણ-પડી?-કાકાની કવિતા

અમુક કાકાઓએ આપણને નાનપણમાં દર્શન આપ્યા હોય અને પછી અચાનક જ કોઈક પ્રસંગમાં અચાનક પ્રગટ થાય અને આપણે નાના હોય ત્યારની કાચી યાદ-શક્તિનો ફાયદો ઉઠાવી અને સવાલ પૂછે, “શું ભૈ? ઓળખાણ પડી?” અને આવા પ્રશ્નમાં કુતુહલ કરતાં વધારે ‘હું-તને-ઓળખું-છું-પણ-તું-મને-નહિ-ડીંગો’ની વૃત્તિ વધારે હોય છે. આવા કાકાઓ એકાદ દિવસ માટે આપણને તેડીને ગયા હોય અને એ વખતના પ્રસંગો યાદ કરાવીને પ્રયત્ન કરે કે હું એમને ઓળખી શકું છું કે નહિ અને આવા પ્રસંગો જો કાવ્યાત્મક રીતે યાદ કરાવવાનો પ્રયત્ન કરે તો તે કંઇક આ પ્રમાણે હોય અને obviously “મેં શર્ટ પલાળ્યું’તું” એ વાત પરથી એમનું નામ તો યાદ આવવાનું જ નથી, એટલે આવા કાકાનું નામ “ઓળખાણ પડી?” કાકા રાખેલ છે.

(‘મારી આંખમાં તું વહેલી સવાર સમું પડતી- રમેશ પારેખ’ પરથી પ્રેરિત)

તને તેડયો’તો જ્યારે,
તે શર્ટ પલાળ્યું’તું ત્યારે,
અને મારેલી લાત, મને યાદ છે.
મારેલી લાત, તને યાદ છે?

તને જમાડવા બેઠો ને
દાળ બધી તુ પી ગયો,
મેં ખાધેલો ભાત, મને યાદ છે,
મેં ખાધેલો ભાત, તને યાદ છે?

તેડયો’તો જ્યારે, તે ખીસું ફંફોળીને, ખાધા’તા કાગળ મારા કામના,
એ ઝૂંટવવા મેં પ્રયાસ કર્યો, પણ નખરા તો તારા આખા ગામના;
સાંજથી તાણેલા ભેંકડાને શાંત કરવા પાડી મધરાત, મને યાદ છે.
પાડી મધરાત, તને યાદ છે?

વાળ ખેંચ્યા મારા પછી ચૂંટલા ય ખણ્યા; તારા જુલ્મો હજાર જાતનાં;
બાળકની ભાષામાં ગમ્મત કહેવાય પણ માણસની ભાષામાં યાતના,
જોરથી ભરેલું બચકું અને બોચી પર પાડ્યા’તા બે દાંત, મને યાદ છે,
પાડ્યા’તા દાંત તને યાદ છે?

– ‘ઓળખાળ-પડી?’ કાકા

 

તા.ક. – 

…અને ચડાવી દીધો 😉

 

 

 

 

Advertisements

13 thoughts on “ઓળખાણ-પડી?-કાકાની કવિતા

  1. વાહ દોસ્ત!!! ખરેખર જોરદાર લાવ્યા આ વખતે તો….

    “વાળ ખેંચ્યા મારા પછી ચૂંટલા ય ખણ્યા; તારા જુલ્મો હજાર જાતનાં;
    બાળકની ભાષામાં ગમ્મત કહેવાય પણ માણસની ભાષામાં યાતના,”

    આ લાઈન્સ એકદમ મસ્ત છે…

    ઓરીજીનલ સોંગ તો ફેવરીટ છે જ અને હવે આ પણ 😉

  2. જોરથી ભરેલું બચકું અને બોચી પર પાડ્યા’તા બે દાંત, મને યાદ છે,
    પાડ્યા’તા દાંત તને યાદ છે?

    હવે આ ઘટના પછી પણ તમને તે કાકા યાદ ના હોય તો એતો બહુ કહેવાય. બિચારા કાકાનો હક્ક બને છે ડિંગો વાળો ભાવ લાવવાનો. હંમેશની જેમ સુંદર રચના.

  3. વાહ સાક્ષર, બહુ સરસ.
    ડિંગાત્મક સામાજીક વ્યવહારના એક બારીક અવલોકનને મલાવી/ઝુલાવી ચૂંટલી ખણતું તાજગી સભર ગીત. લય/રવાનીને લગતા થોડાક કોસ્મેટિક ફેરફાર કરીને આને ક્મ્પોઝ કરી ગાવા જેવું છે.

  4. અદભૂત વર્ણન….!!! મજ્જા ના વિચાર અને વાણી !!!!
    મિત્ર તમારા બ્લોગ ની આજેજ મુલાકાત લીધી….લાગે છે હવે લેતા રેહવી પડશે અને શીખતા રેહવું પડશે….

    “ખાલી એક વસ્તુ માં થોડી મુજવણ: કવિતા માં જેટલી ઘટના નું વર્ણન છે, અ દરેક ઘટના એટલી નિકટ ની છે કે એવા કાકા ને ભૂલી જવાય જ નહિ સાચા જીવન માં…”

    હું એક શિખાઉ લેખક અને ગુજરાતી ભાષા નો પ્રેમી..
    http://ekvichar.wordpress.com/

    1. તમને બ્લોગ ગમ્યો એ મને ગમ્યું… 🙂

      તમારી મુંઝવણના જવાબમાં તો એવું છે કે, નાનપણમાં દાળ બહુ પીધી’તી…બદામો થોડી ઓછી ખાધી’તી એની બધી તકલીફ છે…

      – એક હખળ ડખળ કવિ

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s