ડસ્ટરથી ડોક્ટર સુધી


બચુ – ૭મા ધોરણનો વિદ્યાર્થી
સાહેબ – બચુના ગુજરાતી શિક્ષક
રામુભાઇ – શાળાનાં પટાવાળા
—–
અચાનક સાહેબ આવ્યાને ભંગ થયો બચુનો આરામ,
‘બચુ, લાવ તારી નોટ, બતાવ ગઈકાલનું ઘરકામ’,

‘આજે તો કર્યું છે, સાહેબ’, કહી બચુએ નોટ આપી,
એક જ નજર મારી સાહેબે એક અલબોટ* આપી.

નોટમાં કંઇક નોંધ કરી, પછી કહે, ‘હાથ ધર તો બચુ’,
હાથ ધરતા ધરતા, બચુની હાલત થઇ ઢચુપચુ;

નાળીયેરવાળો નાળીયેર પર જેવી રીતે કરે પહેલો ઘા,
સાહેબનાં ડસ્ટરનાં એવા ઘાથી બચુને યાદ આવી ગ્યા એનાં બા.

બીજા ઘાથી બચવા માટે, બચુની પ્રતિક્ષિપ્ત ક્રિયા** તો ચાલી,
પણ ડસ્ટરથી બચેલી આંગળીઓ બેંચની તીક્ષ્ણ ખીલીમાં ચાલી.

પછી તો બચુનાં આંસુઓ અને લોહી વચ્ચે જામી વહેવાની હરીફાઈ,
સાહેબે રૂમાલથી બચુની આંગળી દાબીને, બુમ પાડી, “ઓ રામુભાઇ”.

“જરા બચુને દવાખાને લઇ જાઓ, પાટો લગાડી આવો,
પાછો અહી લાવવાની જરૂર નથી ઘેર પહોચાડી આવો”

દફતર, નોટ અને બચુને લઇ રામુભાઇ ડોક્ટરને ત્યાં જવા નીકળ્યા,
રસ્તામાં બચુને પૂછ્યું, ‘સાહેબ તારા પર આટલા બધા કેમ બગડ્યા?’

રડતા રડતા બચુ કહે, ‘લેશન તો મેં કર્યું હતું, તોય ખબર નહિ કાકા!
હા, સાહેબે એક નોંધ કરી છે, પણ મને એકેય અક્ષર નથી વંચાતા’

રામુભાઇએ પણ નોંધ જોઈ, પણ નાં ઉકલ્યો એકેય અક્ષર,
રામુભાઇ વિચારે મનમાં, “લો , આવા ગુજરાતીના સાક્ષર!”

એટલામાં પહોંચી ગયા ડોક્ટરને ત્યાં, અને ડોક્ટરને આંગળી દેખાડી,
ડોક્ટરે દવા લગાવતા પૂછ્યું, “બેટા, ક્યાં આંગળી અથાડી?”

ડસ્ટરથી લઇને નોંધ સુધી, બચુએ આખી વાર્તા કીધી,
નોંધનું Suspense સમજવા ડોક્ટરે નોટ માગી લીધી.

નોટ આપી અને રામુભાઇ કહે,”અમને તો ખ્યાલ આવ્યો નહિ, તમે જ કંઈ પ્રકાશ પાડો.”
ડોક્ટરે નોટ હાથમાં લઇ એક જ નજર નાખી ને કહ્યું,” નોંધમાં લખ્યું છે, “અક્ષર સુધારો””

– સાક્ષર

*અલબોટ – સભર દ્વારા માર ખાધા પહેલા મળેલી ધમકી વખતે સાંભળેલો શબ્દ
(આશ્ચર્યજનક વાત એ છે કે, આ શબ્દ ‘ગુગલ’ કરવાથી એક પણ result મળ્યું નહિ (કદાચ હવે મળશે))
**પ્રતિક્ષિપ્ત ક્રિયા – ચેતાપરાવર્તી ક્રિયા; ‘રિફ્લેક્સ-ઍક્શન’ (સ્રોત – ગુજરાતી લેક્સિકોન)
(કેવો જમાનો આવી ગયો છે, ગુજરાતીને સમજાવવા અંગ્રેજીમાં લખવું પડે છે :p)

તા.ક. –
“ખરાબ અક્ષર એ અધૂરી કેળવણીની નિશાની છે” – મહાત્મા ગાંધી
“તો પછી ડોક્ટર લોકો…” – સાક્ષર

15 thoughts on “ડસ્ટરથી ડોક્ટર સુધી

  1. મારી સમજ પ્રમાણે ‘અલબોટ’ એવો શબ્દ નથી, પણ અડબોથ છે. ગુજરાતી લેક્સિકોન પ્રમાણે તેનો અર્થ આડા હાથની થાપટ થાય છે. હવે ગૂગલ કરી જુઓ…!

  2. સાક્ષરભાઈ સરસ રચના છે .
    “ખરાબ અક્ષર એ અધૂરી કેળવણીની નિશાની છે” – મહાત્મા ગાંધી
    “તો પછી ડોક્ટર લોકો…”
    આ તો સાક્ષરભાઈ કોડવર્ડ છે ડોક્ટર અને કેમિસ્ટ વચ્ચેનો . મેં મારું કરી નાખ્યું છે તું તારું કરી નાંખજે .

  3. શ્રી સાક્ષરભાઈ

    આપે સાક્ષરતા પુરવાર કરી એક સુંદર મઝાનું સવાદ કાવ્ય રચ્યું છે.

    અભિનંદન. લખતાં રહો અને વહેંચતા રહો એજ શુભ કામના

  4. Shakshar, wah…

    Ghuvad ghambhir loko ni ek ni ek chavae gayeli vato vanchi ne magaj baghadva karta tari navinya bhari rachnao thi dil khush thae jay che..abhinandan, dil thi.

  5. વાહ દોસ્ત!!

    મારા અક્ષર ઘણી વાર હું પોતે જ ઉકેલી નથી શકતો!! મને યાદ છે ધોરણ ૧૨ માં ઇન્ટરનલ પરીક્ષા માં ફીજીક્સ નું પેપર તપાસ્યા વગર સાહેબે મને પાછુ આપ્યું હતું😀 અને કહે કે આ હું સંદેશ માં છપાવીશ અને કોઈ એક માણસ પણ આખું પેપર ઉકેલે તો તને પુરા માર્ક્સ આપીશ😀

    પણ હવે કોમ્પુટર ના જમાના માં મને ખાસ તકલીફ પડતી નથી, હા સરકારી કામકાજ ના ફોર્મ્સ બીજા જોડે ભરાવવા પડે છે😉

    BTW કવિતા ખુબજ સરસ છે!!🙂

    1. કોઈ ડોક્ટરને વંચાવી જોજો તમારા અક્ષર, તમે પોતે નહિ ઉકેલી શકતા હો, પણ ડોક્ટર ઉકેલી આપશે…:)

  6. બચુ ની વાત સાંભળી ને મને મારી સ્કુલ નો પ્રસંગ યાદ આવી ગયો. એક વાર સ્કુલ માં હોમવર્ક ના કરવા બદલ અમારા ***અંગ્રેજી ના ટીચરે મને ગુજરાતી માં*** આવતો 5 પેજ નો પાઠ મને પાંચ વખત લખવા આપ્યો હતો અને જે મેં એ મેડમ ની ધાક ના લીધે બે દીવસ ની રજા પાડી ને પણ પાંચ વખત લખી ને બતાવ્યો હતો.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s