કચરા કવિ સંમેલન માટે ‘રોઝ ડે’ વિષય પર મારી રચના…
પસ્તી આપી આવ્યો એ દિવસે ને 10 રુપિયા મળ્યા,
એ 10 રુપિયાના જોઇએ તો ખરા શુ છે ભાગ્ય ઘડ્યા?
રુપિયા આવતાની સાથે જ આવ્યા વિચારો ગ્રેટ,
“એને” આપુ ગુલાબ હું ને આપુ એક ચોકલેટ.
આવી મોંઘવારીમાં બંને નહિ આવે તો?
ને બંનેમાંથી એક જ આપીશ ને “એને” નહિ ફાવે તો?
ગુલાબ આપુ એકલુ તો આપુ પીળુ કે લાલ,
ડેરીમિલ્ક સાથે નહિ આપુ તો શુ થશે મારા હાલ!
આવા ખયાલો કરતો કરતો પહોંચ્યો હું તો ઘેર,
આજે બસ સ્કુલે જવા દે એટલે લીલા-લ્હેર.
હાથમાં 10 રુપિયા જોઇ મમ્મી બોલી “અહીં આવ,
એક કામ કર બેટા 10 રુપિયાનુ દહી લઇ આવ. “
- સાક્ષર ઠક્કર
